ബര്‍ലിന്‍: ജര്‍മ്മനിയിലെ ബാഡന്‍ ~ വുര്‍ട്ടെംബര്‍ഗ് സംസ്ഥാനത്തിലെ നൊയ്ഹാസന്‍ ഒബ് എക്കിലെ പ്രശസ്തമായ 'സൗത്ത്സൈഡ്' മ്യൂസിക് ഫെസ്ററിവല്‍ താല്‍ക്കാലികമായി നിര്‍ത്തിവെച്ചത് ആസ്വാദകര്‍ക്ക് കല്ലുകടിയായി. ജര്‍മനിയില്‍ തുടരുന്ന കടുത്ത ഉഷ്ണതരംഗത്തിന് പിന്നാലെ പ്രവചിക്കപ്പെട്ടിരുന്ന ശക്തമായ കാറ്റും ഇടിമിന്നലും പലയിടങ്ങളിലും നാശം വിതച്ചു തുടങ്ങിതിന്റെ അടിസ്ഥാനത്തിലാണ് വെള്ളിയാഴ്ച ഉച്ചയ്ക്ക് ശേഷം ആരംഭിച്ച ജര്‍മ്മനിയിലെ ഏറ്റവും വലിയ സംഗീതോത്സവങ്ങളിലൊന്നായ 'സൗത്ത്സൈഡ് ഫെസ്ററിവല്‍' (Southside Festival) മോശം കാലാവസ്ഥയെ തുടര്‍ന്ന് സംഘാടകര്‍ക്ക് താല്‍ക്കാലികമായി നിര്‍ത്തിവെയ്ക്കേണ്ടി വന്നു.

വേദിയില്‍ ലൈവ് ഷോകള്‍ നടന്നുകൊണ്ടിരിക്കെയാണ് കനത്ത മഴയും ആലിപ്പഴ വര്‍ഷവും കൊടുങ്കറ്റും ഉണ്ടാകുമെന്ന ഔദ്യോഗിക കാലാവസ്ഥാ മുന്നറിയിപ്പ് എത്തിയത്. ഇതോടെ അടിയന്തിര സൈറണുകള്‍ മുഴങ്ങുകയും 'എ ഡേ ടു റിമംബര്‍' ലിഴ>(അ ഉമ്യ ഠീ ഞലാലായലൃ) തുടങ്ങിയ പ്രമുഖ ബാന്‍ഡുകളുടെ പരിപാടികള്‍ പാതിവഴിയില്‍ രാത്രി 7 മണിയോടെ ഉപേക്ഷിച്ചുവെങ്കിലും രാത്രി 10 മണിയ്ക്ക് പരിപാടി പുനരാരംഭിച്ചു. എന്നാല്‍ മിക്ക പ്രകടനങ്ങളും റദ്ദാക്കിയത് ആരാധകരെ നിരാശരാക്കി.

സുരക്ഷ മുന്‍നിര്‍ത്തി ഫെസ്ററിവല്‍ ഗ്രൗണ്ടില്‍ തടിച്ചുകൂടിയ അറുപതിനായിരത്തോളം വരുന്ന കാണികളോട് ഉടനടി സ്വന്തം വാഹനങ്ങളിലേക്ക് മാറാന്‍ സംഘാടകരും കോണ്‍സ്ററന്‍സ് പോലീസും കര്‍ശന നിര്‍ദ്ദേശം നല്‍കി. തുറസ്സായ സ്ഥലങ്ങളേക്കാള്‍ സുരക്ഷിതം കാറുകളാണെന്നതിനാലാണ് ഈ നീക്കം.
വാഹനമില്ലാത്ത സുഹൃത്തുക്കളെയും മറ്റ് സന്ദര്‍ശകരെയും കാറുകളുള്ളവര്‍ സഹായിക്കണമെന്നും, തങ്ങളുടെ വണ്ടികളില്‍ ഒഴിഞ്ഞ സീറ്റുകളുണ്ടെങ്കില്‍ 'വാണിംഗ് ലൈറ്റുകള്‍' തെളിയിച്ച് അത് മറ്റുള്ളവര്‍ക്ക് മനസ്സിലാക്കി കൊടുക്കണമെന്നും സംഘാടകര്‍ അഭ്യര്‍ത്ഥിച്ചു.

കാലാവസ്ഥ ശാന്തമായതോടെ ഫെസ്ററിവല്‍ പുനരാരംഭിച്ചതായി സംഘാടകര്‍ അറിയിച്ചു. കഴിഞ്ഞ ദിവസങ്ങളില്‍ ജര്‍മ്മനിയില്‍ അനുഭവപ്പെട്ട 35 ഡിഗ്രിക്ക് മുകളിലുള്ള കടുത്ത ചൂടിനെ പ്രതിരോധിക്കാന്‍ സൗജന്യ കുടിവെള്ളവും തണലുകളും ഒരുക്കി ഫെസ്ററിവല്‍ മൂഡ് ആസ്വദിച്ചിരുന്ന സംഗീതപ്രേമികള്‍ക്ക് പെട്ടെന്നുണ്ടായ ഈ കാലാവസ്ഥാ വ്യതിയാനം വലിയ നിരാശയാണ് സമ്മാനിച്ചിരിക്കുന്നത്. വെള്ളിയാഴ്ച ആരംഭിച്ച് ഫെസ്ററിവല്‍ ഞായറാഴ്ചയാണ് അവസാനിയ്ക്കുന്നത്.